შეხვედრა იაპონიის საგანგებო და სრულუფლებიან ელჩთან
ახალგაზრდა პედაგოგთა კავშირს ეწვია მისი აღმატებულება იმამურა აკირა, იაპონიის საგანგებო და სრულუფლებიანი ელჩი საქართველოში მეუღლესთან- იმამურა მიიუკისთან ერთად.
შეხვედრის ფარგლებში საუბარი წარიმართა ახალგაზრდა პედაგოგთა კავშირის საქმიანობის სფეროებზე, ყურადღება გამახვილდა იმ პროექტების მდგრადობაზე, რომლებიც იაპონიის საელჩოს ფინანსური მხარდაჭერით განხორციელდა.
ვიზიტის მნიშვნელოვანი ნაწილი იყო ახალგაზრდა პედაგოგთა კავშირის ლიდერთა სკოლის მოსწავლეებთან შეხვედრა, სადაც მოზარდებმა ისაუბრეს მათთვის საინტერესო ისეთ თემებზე, როგორებიცაა იაპონიის განათლების სისტემა, გაცვლითი პროგრამები, მწვანე ეკონომიკა, კოვიდ პანდემიის გავლენა იაპონია - საქართველოს ურთიერთობებსა და მიმდინარე პროექტებზე.