სიახლეები

ახალგაზრდა პედაგოგთა კავშირის “სკოლის მხარდამჭერთა პროგრამის” ფარგლებში სოფ. კვირიკეთის იდეებისა და მეწარმოების ლაბორატორიაში მოსწავლეებისა და სკოლის ადმინისტრაციის წარმომადგენლების მონაწილეობით შეხვედრა გაიმართა.

შეხვედრას უძღვებოდა სკოლის მენტორი – პოზიტიური ფსიქო კონსულტანტი, კომუნიკაციების ექსპერტი მაკო ჯაოშვილი.

შეხვედრის პირველი ნაწილი მოიცავდა ლექციას თემაზე: თვითშეფასება და სწორი კომუნიკაციის მეთოდები. მოზარდებმა თეორიული ცოდნის მიღებასთან ერთად მონაწილეობა მიიღეს გუნდურ აქტივობებში, მენტორთან ერთად იმსჯელეს საკუთარი თავის შეცნობის მნიშვნელობაზე, ძლიერი მხარეების აღმოჩენასა და გამოვლენაზე.

მეორე ეტაპზე სკოლის ადმინისტრაციის წარმომადგენლებთან შეხვედრაზე მოწვეულმა სპიკერმა ისაუბრა კულტურული, რელიგიური, ეთნიკური და ასაკობრივი მრავალფეროვნების მართვაზე. ასევე, ყურადღება გამახვილდა თანამშრომლობის გავლენაზე ორგანიზაციულ კულტურასა და წარმატებაზე.

მოზარდებს შესაძლებლობა ჰქონდათ დისკუსიის რეჟიმში დაესვათ მათთვის საინტერესო შეკითხვები და მიეღოთ შესაბამისი რჩევები.